Horoskopi per diten e sotme, 16 gusht 2017

Dashi
Jeni të shpërqendruar disi, por fatmirësisht do të arrini t’i fshihni mirë dobësitë tuaja. Nuk do të keni probleme. Nëse nuk e dini diçka, mos bëni sikur e dini. Më mirë të thoni menjëherë të vërtetën, për të shmangur gjëra të pakëndshme.

Demi
Ngjarje të rëndësishme të lidhura me punën, që janë bërë më urgjente me lëvizjet e Jupiterit jo shumë miqësor, duhet të jenë në përputhje me kërkesat e jetës në çift. Nuk do të jetë e lehtë të gjeni një ekuilibër midis jetës private dhe profesionale, por do t’ia dilni.

Binjakët
Nëse i keni lënë për në fund detyrat më të mërzitshme, tani duhet të bëni përmirësime. Kjo është e vetmja rrugë për t’i rimarrë gjërat në dorë. Lërini mënjanë projektet fantastike, që nuk kanë lidhje me realitetin: kthehuni me këmbë në tokë.

Gaforrja
Një shëtitje jashtë shtëpisë është ajo që ju duhet për t’u shkëputur nga rutina e përditshme e ndoshta edhe për të vizituar vende të reja dhe interesante. Keni nevojë të ushqeni fantazinë, dhe leximi i një libri të mirë mund të jetë ajo për të cilën keni nevojë.

Luani
Për të hequr ndonjë mendim jo shumë pozitiv, mendoni për çdo gjë të bukur në jetën tuaj. Menjëherë do ta kuptoni se jeni shumë me fat! Të ndryshoni nuk është e gabuar, por para se të veproni duhet të keni në mendje një projekt shumë të qartë.

Virgjëresha
Favorizimi i planetëve nuk mund të ndodhte në një moment më të mirë për ju. Do të tejkaloni çdo lloj pengese. Nëse një çështje po ndërlikon ekzistencën prej disa kohësh, tani më në fund gjithçka zhbllokohet. Përfitoni nga mundësia për të menduar për të ardhmen.

Peshorja
Paqëndrueshmërisë suaj i bashkohet edhe nervozizmi, duke krijuar një miks jo të këndshëm. Më mirë të gjeni zgjidhje dhe të mos kërkoni më shumë probleme. Nëse sot nuk do të punoni, do keni kohë për të bërë pazar e për të blerë gjërat që ju pëlqejnë.

Akrepi
Puna e mërzitshme mund të presë, sot për ju do ketë vetëm argëtim dhe hobi të shëndetshme dhe të këndshme. Kështu mund ta kaloni kohën duke pikturuar, apo edhe duke përgatitur ushqime të shijshme.

Shigjetari
Keni përjashtuar një person pa u menduar shumë, por tani duhet të ndreqni situatën, duke qenë se e keni kuptuar si është puna. Ju takon të bëni një hap mbrapa. T’u riktheheni gjërave është një lëvizje e zgjuar, kur e keni kuptuar se keni gabuar. Më mirë vonë se kurrë!

Bricjapi
Projektet më të rëndësishme fillojnë mbarë, edhe falë pozicionit të Jupiterit në shenjën tuaj si dhe mundësisë që keni për t’i shtuar talentet që keni. Nuk keni probleme t’u tregoni të tjerëve se keni të drejtë, ja pse do t’ju ndjekin pa u sforcuar.

Ujori
Të humbni një mundësi të mirë nuk është e këndshme, por tani mos e dramatizoni. Kërkoni të tjera, ndoshta edhe më të mira, kështu do të keni diçka për t’u ngushëlluar. Mos u dekurajoni përballë dyshimeve të ndokujt. Nevojitet kohë për t’ia dalë që ta bindni.

Peshqit
Bashkëveprimi i planetëve mund të krijojë mundësinë e duhur për të menduar rreth asaj gjëje që doni me të vërtetë, duke braktisur drejtimet që nuk sjellin gjë. Një përpjekje fizike e tepërt mund t’ju krijojë shqetësime. Prandaj merruni me sport, por me masë.