Ky është Shkëlzen Kastrati, rreth 41-vjeç, baba i katër fëmijëve, i cili është ekzekutuar me armë zjarri paraditen e sotme në Fier. Ngjarja e rëndë ka ndodhur rreth orës 10:30, në vendin e quajtur “Ura e Sheqit”, ku një person ende i paidentifikuar ka hapur zjarr ndaj tij duke e lënë të pajetë në vend.
Burime bëjnë me dije se viktima udhëtonte me makinën e tij tip “Benz” , ndërsa autori e ka ndjekur nga pas ku është shkaktuar edhe një aksident me një makinë tjetër që sipas të dhënave paraprake nuk ka lidhje me ngjarjen. Në këtë moment autori i ngjarjes makabre ka zbritur nga makina dhe e ka qëlluar duke e lënë pajetë brenda në makinën e tij, Shkëlzen Kastratin. Mësohet se viktima ka marrë një plumb në kokë gjë që i ka shkaktuar humbjen e menjëhershme të jetës.
Autori është larguar nga vendngjarja me një automjet tip “Range Rover”, i cili u gjet nga shërbimet i djegur te vendi i quajtur “Mbikalimi i Baltzës”. Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorit.
Eleminimi i Shkëlzen Kastratit mendohet të jetë vazhdim i ngjarjes së ndodhur në shkurt të vitit 2016 te zona e quajtur Mulliri i Artë. Shkëlzen Kastrati është vëllai i shënjestrës së ekzekutimit të 5 viteve më parë por që u shpëtoi plumbave. Klement Kastrati, i cili shpëtoi, ndërkohë humbi jetën një shtetas nga Patosi. 42 vjeçari Shkëlzen Kastrati është baba i 4 fëmijëve dhe nuk ishte emër i njohur për policinë.