Punimet që po kryhen në rezervuarin e Shtodrit kanë sjellë mungesën e furnizimit me ujë të pijshëm për banorët e disa fshatrave në Njësinë Administrative Rrethina në Bashkinë Shkodër.
Për shkak të kësaj situate të krijuar, Bashkia Shkodër është në komunikim të vazhdueshëm me Dretorinë e Kullimit dhe Ujitjes në Lezhë ndërkohë që është vënë në dijeni edhe Prefektura e Shkodrës për këtë situatë që vijon prej disa ditësh.
Kërkojmë nga autoritet që të kryhen sa më parë punimet në këtë objekt si dhe të vihen në dijeni banorët në mënyrë që të marrin masa për zgjidhje alternative.
Bashkia Shkodër po ndjek nga afër situatën e krijuar dhe sipas të dhënave nga terreni raportohet se aktualisht po shkarkohet ujë në të gjitha kanalet, proces i cili përfundon deri nesër dhe do të rinis furnizimi me ujë për banorët e zonës. /Publikuar në Facebbok nga Kryetarja e Bashkisë Shkodër Voltana ADEMI/
