Ngjarjet e fundit në Shkodër, janë trajtuar gjërësisht në emisionin “Opinion” në Tv Klan. Një panel me gazetarë, analistë por edhe zëvëndësministrin e brendshëm Lamallari, kanë diskutuar për situatën e krijuar në Shqipëri, por duke u përqendruar edhe në Shkodër. Në një pjesë të emisionit, janë shfaqur disa foto, të cilat janë shfaqur edhe më herët. Gazetari Artan Hoxha ka ripublikuar në emisionin “Opinion” këto foto. Ai madje edhe i ka komentuar, duke saktësuar se cilët nga ata që pozojnë janë kapur dhe cilët janë të lirë.
Në to duket një grup të rinjsh me pamje të frikshme. Ata demonstrojnë me pistoleta, kallashë në duar dhe me maska në fytyrë. Sipas tij ata janë pjesë e një grupi krminal që vepron në Shkodër dhe policia ka informacion. Fotot tha gazetari janë në dorë të policisë por dhe të një pjesë të madhe të qytetarëve të Shkodrës.
ipas Artan Hoxhës nëse policia do të kishte punuar më mirë mund të identifikonte autorët e disa prej vrasjeve që kanë tronditur qytetin.
“Bandat e Shkodrës kanë dalë me emër dhe me figurë dhe na kanë kërcënuar, s’kemi kërkuar mbrojte kemi vazhduar punën. Klodiana Lala ka qenë në Elbasan, të njëjtën gjë ka kaluar. Ne nuk jemi kundërshtarë ne jemi aleatë”, tha Hoxha në debat me zëvendës ministrin e Brendshëm. /Burimi:Opinion.al/
