Policia e Shkodrës duket e vendosur të luftojë fort “kontrabandën” e duhanit. Në aksionin e fundit janë kapur plot 9 kg duhan i grirë, ndërsa persni që iu kap nga Sheldia, është referuar në prokurori. Interesant është fakti se lufta ndaj “trafikut” të duhanit, koencidon me atë kundër trafikut të drogës dhe kultivimit të kanabis në Shkodër.
“Më datë 06.06.2018, u referuan materialet në Prokurorinë pranë Gjykatës së Shkallës së Parë Shkodër, për shtetasin D.Z., vjeç 26, banues në fshatin Sheldi, Shkodër, pasi dyshohet se në lagjen “Mark Lula”, Shkodër, afër rotondos, gjatë kontrollit të ushtruar në bagazhin e mjetit tip “Fiat” iu gjetën e iu bllokuan në cilësinë e provës materiale, 18 pako me 9 kg duhan të grirë. Neni 288/a i Kodit Penal.”, thotë njoftimi i policisë.