Ngjarjet e rënda në Shkodër vazhdojnë të jenë temë e emisioneve televizive në nivel kombëtar. Emisioni Opinion ka ndërtuar një panel me gazetarë investigativë për të diskutuar për pritën ndaj vëllezërve Bilali në Kiras të Shkodrës. Gazetari investigativ ka zbuluar detaje të reja lidhur me ngjarjen. Ai ka thënë se ishte një ngjarje e paralajmëruar më herët në këtë studio. “Unë kam patur dhe kam informacione nga të gjitha grupet në terren. Pasi janë siguruar se dy vëllezërit Bilali të ishin bashkë. Pasi janë goditur me automatik, për tu siguruar ata janë afruar dhe i kanë qëlluar edhe një herë në kokë. E gjithë Shkodra e di se kush janë autorët. Edhe policia natyrisht e di se cilët janë ata. Por policia duhet të grumbullojë prova. Po ashtu, kam informacione që edhe brenda në burg, personat e arrestuar janë në kushte të rrepta sigurie për të parandaluar reciprokisht vrasjet në mes grupeve atje.”.
Ndërsa gazetarja investigative Klodiana Lala ka dhënë detaje të tjera. “Policia ka sekuestruar rreth 30 kamera siguria në rrugën ku mendohet se autorët janë larguar. Ajo që është vënë re, është se në asnjë rast kamerat nuk kanë një aparatirë DVR për të regjistruar pamje. Duhet një “dorë e fortë” për të kordinuar të gjithë këtë skemë. Deri tani nuk ka asnjë imazh të autorëve. Pavarësisht nga ajo që thotë policia, edhe kjo ngjarje është e vështirë të zbardhet”.
