Ndeshjet e javës së tretë të kampionateve të moshave për ekipet e Akademisë Vllaznia janë zhvilluar ditën e djeshme. Arsyeja ka qenë kërkesa e vetë klubit shkodran për t’i ofruar një ditë këto takime në mënyrë që t’i krijohet mundësia ekipit U-19 për përgatitje ashtu si duhet për ndeshjen e “Uefa Youth League” që do të luajë të mërkurën ndaj FC Zimbru të Moldavisë. Në ndeshjet e djeshme te luajtura ne Kamez, ato kanë patur kundërshtare ekipet e Akademisë së futbollit të kryeqytetit.
Takimi i parë ka qenë ai i 17 vjeçarëve dhe shkodranët kanë dominuar duke fituar me rezultatin e thellë 4-0. Golat në këtë takim janë shënuar nga Xhahysa dhe Barbullushi, të cilët e kanë dërguar secili nga dy herë topin në rrjetën e portës kundërshtare.Ndërkohë, Vllaznia U-19 është ndalur këtë javë me një barazim 2-2. Ajo është gjendur dy herë në disavantazh por ka arritur të barazojë në fund. Golin e parë e ka shënuar Isufi në minutën e 75-të dhe pas këtij momenti, arbitri ka akorduar sërish 11-metërsh për Akademinë, I dyti për të në këtë ndeshje por këtë herë ka qenë portieri Kurtula që e ka pritur atë duke mos lejuar rezultatin të shkonte në 3-1. Ky 11-metërsh i pritur i ka dhënë zemër shkodranëve të cilët kanë arritur që në minutën e 88-të kanë barazuar me anë të Hysenajt. Përfundimisht barazim 2-2 dhe Vllaznia U-19 tashmë është ngjitur në kuotën e 7 pikëve pas tre javësh kampionat ndërkohë që tani do të fillojë të mendojë për përballjen e së mërkurës me Zimbrun. /shkodrasport/
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim!
