Të rinjtë në fokusin e Bashkisë së Shkodrës. Një tjetër nismë në mbështetje të realizimit të këtij synimi, është kursi socio- politik që startoi sot në mjediset e Bibliotekës Publike “Marin Barleti” të Shkodrës.
Starti natyrshëm do të ishte me një personazh të njohur nga fusha e artit, sigurisht shkodran: Adrian Paci, i cili ka bashkëbiseduar me të rinjtë për artin dhe ndikimin e tij në politikë.
Në nisje kryetarja e Bashkisë Shkodër zj. Voltana Ademi ka përshendetur duke përcjellë mesazhin e qartë se një nga prioritetet e Bashkisë së Shkodrës ka qenë dhe është rinia, në veçanti promovimi i përfshirjes sociale, artistike dhe kulturore të të rinjve.
Ky aktivitet ka për qëllim inkurajimin e dialogut rinor dhe përmirësimin i njohurive mbi qytetarinë aktive.
Të rinjtë janë një forcë pozitive për ndryshim, ndaj edhe zhvillimi i strategjive dhe investimeve do të synojë zhvillimin e tyre, ka përfunduar zj. Ademi duke i uruar suksese këtij kursi.
Pavarësisht se në pamje të parë arti dhe politika, nuk kanë shumë lidhje me njëri- tjetrin, Adrian Paci solli mjaft shembuj të ndikimit reciprok, sidomos të artit ndaj politikës. Interesi i të rinjve ka qenë i lartë për të ballafaquar konceptet e tyre për art- politikën me ato të artistit Adrian Paci.
Sot ishte vetëm starti i kursi socio- politik, një tjetër aktivitet dedikuar rinisë, i cili vjen në kuadër të një sërë aktivitetesh të organizuara në kuadër të projektit “Yes Future”. Është një projekt i Bashkisë së Shkodrës, të cilin po e zbaton në bashkëpunim me Acli Ipsia në Shqipëri, Code Partners, Bashkinë e Triestes dhe mbështetet financiarisht nga Programi Italo-Shqiptar i Konvertimit të Borxhit (IADSA). /Marrë nga faqja zyrtare në Facebook e Bashkisë Shkodër/
