Investimet në infrastrukturë në Bashkinë e Shkodrës janë shtrirë jo vetëm në qytet por edhe në të gjitha njësitë administrative. Në Berdicë të Siperme, prej disa ditësh kanë nisur punimet për sistemim- asfaltim të rrugës së Mollojsve, me gjatësi 225 metër linear.
Projekti i Bashkisë së Shkodrës që po zbatohet, parashikon asfalt në sipërfaqe 1320 metër katror, kanale betoni, mure mbrojtës për rrugën, mure mbajtës, vepra arti si tombino dhe kuneta, sinjalistikë horizontale dhe vertikale.
Me përfundimin e plotë të punimeve, kjo zonë me densitet të lartë banorësh, do ti bashkohet pjesës tjetër urbane jo vetëm të Njësisë Administrative Berdicë por edhe qytetit të Shkodrës. /Marrë nga faqja zyrtare e Bashkisë Shkodër në Facebnook/