Legjenda e Chelsea, Drogba tregon nje histori interesante ne lidhje me Messin

Sigurisht që ne e dimë që personi në fjalë ka fituar 5 topa të artë, është një ndër dy lojtarët më të mirë të momentit dhe pa diskutim një ndër më të mirët e të gjitha kohërave, për të mos thënë më i miri!

30-vjeçari ka shënuar 507 gola që nga koha që ka nënshkruar me Barcelonen duke u bërë golashënuesi më i mirë i të gjitha kohërave për klubin e tij, ka fituar 29 trofe përfshirë këtu “Superkupën e Europës” dhe “Botërorin e Klubeve”. Ai është një perspektivë e frikshme për këdo që do i dalë përballë!

Lidhur me këtë Drogba tregon një ngjarje interesante, ndodhur më 2012 kur Chelsea vihej përballë Barcelonës në gjysmëfinalet e “Champions League”, raporton “SPORTBible”.

“Si gjithmonë, Di Matteo na vuri përpara një listë me në krye golashënuesit e ekipit kundërshtar. Zakonisht lista mbyllej me 22 gola të Rooney-t apo 15 Van Persie, e kështu me radhë. Kur u shfaq lista e katalanasve, Xavi me Alexis Sanches ndanin vendin e tretë me nga 14 gola, Fabregas mbante të dytin me 15 dhe në fund Lionel Messi me 63,14 vetëm në “Champions” atë sezon!! Ishte një situatë qesharake se si ne pamë njëri-tjetrin në shenjë mosbesimi dhe qeshëm! E ç’të bënim!? Madje edhe bëra një foto të numrit pasi ishte i frikshëm”-u shpreh Drogba!/balkanweb/