Eriona Heta, një shkencëtare shqiptare e mjekësisë molekulare, që jeton dhe punon në Gjermani, tha në një lidhje në emisionin “Opinion” se disa ditë më parë, ajo humbi nga korona virusi hallën e saj, ndërkohë që një tjetër e afërme ndodhej në spital duke marrë kurim, e prekur nga CO VID19.
Heta tregoi, se halla e saj jetonte në Shkodër dhe ndër të tjera, keqardhja e familjes lidhej me faktin, që nuk mundën të kishin një ceremoni të përcjelljes në banesën e fundit.
“Para disa ditësh mediat shpërndanë një lajm të humbjes së pacientes së parë në Shkodër. Ajo është halla ime e nderuar një nënë e madhe, prandaj dua të shpreh ngushëllime për të gjitha familjet që kanë humbur të afërmit nga CO VID -19, gjithhashtu edhe për të afërmit e mi, që për shkak të situatës së krijuar nuk mund të bënim një ceremoni, por sa të mbarojë do gjejmë mënyrën për ti bërë respektin ashtu si i takonte” tha Heta. /Opinion/