Vllaznia përsëri në Superligë! Fitorja në Shijak me Erzenin e vendit të dytë, i ka dhënë edhe matematikisht rikthimin në Kategorinë Superiore, aty ku në fakt i takon të jetë Vllaznisë. Trajneri Agim Canaj e kishte paralajmëruar një fitore në fushën e vështirë të Shijakut dhe mesa duket ashtu ndodhi sot. Pas pjesës së parë me rrjeta të paprekura, në 45 minutat e dyta kuqeblutë rrisin ndjeshëm lojën e tyre duke patur raste të shumta për shënim. Por duhej të vinte minuta e 31-të që kuqeblutë të preknin objektivin e sezonit, ringjitjen në Superligë. Braziliani Zhunior stopon bukur një top në zonën e Erzenit dhe mposht portierin vendas Vata. Nuk kalojnë sa 3 minuta dhe Vllaznia dyfishon. Një kros nga krahu i djathtë u sulmit shkodran dhe Tafili e shtyn topin në rrjetë. Në minutën e 45- të ka kohë edhe për Zeqaj që fikson fitoren në shifrat e thella 3 – 0.
Dy me zero dhe Vllaznia e sheh veten në Superligë 4 javë para fundit të kampionatit. 12 pikë avantazh e bëjnë të pakapshme Vllazninë edhe matematikisht. Tashmë mbetet vetëm të njihet fituesi i grupit B të Kategorisë së Parë, me të cilën Vllaznia do të përballet për titullin kampion. Më shumë se për trofe, titulli vlen për pjesën monetare që varion nga 30 deri në 40 milion lekë. Me golin e sotëm Zhunior arrin në kuotën 12 për sezonin. Pa u mbushur viti nga rënia, Vllaznia ringjitet në Superligën e më të mirëve. Natyrisht rrëzimi isjte një aksident dhe rikthimi i shpejtë dhe pa e vënë asnjëherë në dyshim, e tregoi më së miri këtë. Mirë se u ktheve mes më të mirëve Vllaznia! Me këmbë të mbarë në vendin që të takon! /ShkodraWeb/
