Nëpërmjet një njoftimi zyrtar, ditën e djeshme, klubi i Vllaznisë, kërkoi shtyrjen e ndeshjes Luftëtari-Vllaznia, për shkak të sulmit me thikë ndaj trajnerit Ernest Gjoka dhe ashtu ka ndodhur.
Burime të besueshme pranë KF Vllaznia, kanë konfirmuar se është rënë dakord që ndeshja të shtyhet me 1 ditë , për tu zhvilluar ditën e diel në orën 14:00.
Kujtojmë që takimi ishte planifikuar të zhvillohej ditën e shtunë në orën 14:00, por pas ngjarjes tronditëse që ndodhi dje në Shkodër, FSHF ka vendosur të pranojë kërkesën, e Vllaznisë duke e shtyrë takimin me një ditë.
Ndërkohë, të njëjtat burime bëjne me dije se ndeshjet e javës pasardhëse, të planifikuara për në mesjavë, do të zhvillohen të merkurën. Vllaznia do të udhëtojë drejt Lacit të merkurën. Kjo pasi Laci nuk ka pranuar që ndeshja të shtyhet me 24 orë, pra të enjten. Në tre ditë, kuqeblutë do të luajnë dy ndeshje, duke mos e favorizuar aspak Vllazninë me këtë shtyrje.
