Është zhvilluar ditën e sotme analiza vjetore e Drejtorisë së Sherbimit të Mbrojtjes nga Zjarri dhe Shpëtimit në Bashkinë e Shkodrës. Gjatë vitit 2021, sektori i ndërhyrjeve ka ndërhyrë në 513 raste të emergjencës, prej të cilave 455 raste zjarresh dhe 58 ndërhyrje në aksidente , bllokime banesash etj.
Gjatë punës shërbimi zjarrëfikës ka mbështetur me sukses 15 aktivitete sportive në stadiumin “Loro Boriçi” të Shkodrës.
E pranishme në këtë analizë, kryetarja e Bashkisë Shkodër zj. Voltana Ademi ka falenderuar efektivët e MZSH- së për punën e bërë gjatë vitit 2021.
Ajo ka nënvizuar se ky sherbim, për vetë rëndësinë që ka, ka qenë dhe do të vijojë të mbetet në fokusin e vëmendjes së Bashkisë Shkodër. Në vitin 2022, fondet për MZSH do të jenë më të larta se një vit më parë, teksa ka shtuar se do të ketë edhe shtim organike për të rrritur më shumë efikasitetin e sherbimit për qytetarët duke rritur standartin.
Bashkia Shkodër do të financojë:
-ndërtimin e hidranteve për furnizimin me makinave zjarrëfikëse me ujë, duke zgjidhur një problem të trashëguar dhe të nevojshëm,
-do të mbështesë shtimin dhe forcimin e kapaciteteve teknike dhe organizative,
-do të përmirësojë në vijimësi kushtet e punës të trupës zjarrëfikëse.
Në fjalën e saj, zj. Ademi ka kërkuar përkushtim maksimal dhe rritje të efikasitetit të këtij sherbimi, për t’ju gjendur pranë banorëve në territor për çdo nevojë dhe emergjencë që mund të kenë.
Misioni i shërbimit zjarrëfikës është fisnik dhe jetik për sigurinë e mirëqenien e banorëve e Shkodrës. /Publikuar në faqen zyrtare në Facebook të Bashkisë Shkodër/
