Ende asnjë gjurmë nga zhdukja e 34-vjeçares Klaudia Marku, me detyrë kryesekretare në Gjykatën e Lezhës. Raportohet se 34-vjeçarja është larguar gjatë natës së mbrëmshme.
Ka qenë bashkëshorti i saj që pasi nuk po lidhej dot me bashkëshorten e tij, nënë e dy fëmijëve ka bërë kallëzim në Komisariatin e Lezhës.
Policia ka nisur hetimet, teksa thuhet se 34-vjeçarja ka pasur kontakte me familjen e saj, me prindërit apo vëllain, por deri tani nuk është konfirmuar asgjë.
Klaudia Marku ka dhe një pozicion tjetër të rëndësishëm në sistemin e drejtësisë, pasi vetëm pak ditë më parë fitoi konkursin për oficere të policisë gjyqësore. Policia po vijon kontrollet dhe hetimet në vendet ku dyshohet se mund të jetë.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
