“Zgjidhëm problematikën e shkollës”, Benet Beci në Mali Kolaj: Ankesat e banorëve për ujin dhe rrugën mëse të drejta…

Shkruan në Facebook kryetari i Bashkisë Shkodër Benet Beci: Me banorët e fshatit Mali Kolaj në Velipojë.

Më vjen shumë mirë që zgjidhëm bashkarisht me komunitetin problematikën e shkollës së këtij fshati, por kemi ende shumë punë për të bërë edhe këtu.

Ankesat e tyre për ujin e pijshëm dhe çështjen e rrugës, janë mëse të drejta. Raportimet teknike e projektet e ndërtuara nga specialistët, janë hapat e parë drejt zgjidhjeve të qëndrueshme të këtyre nevojave jetike për komunitetin e fshatit. Faleminderit për kohën e sinqeritetin e bisedave mes nesh!