Partia Demokratike e Shkodrës ka zhvilluar mbrëmjen e të mërkurës mbledhjen e Kryesisë së saj. Mes çeshtjeve të diskutuara, është folur edhe për prezantimin e listës së kandidatëve për deputetë për qarkun Shkodër në zgjedhjet e 11 Maj 2025.
Lista e Shkodrës do të prezantohet nga kryetari Sali Berisha me datë 18 mars 2025. Mbetet të mësohet vetëm vendi dhe data e zhvillimit të takimit. Lajmin e ka bërë të ditur përmes rrjeteve sociale Eliona Shkreli, kryetare e komanduar e PD Shkodër.
“Gjatë mbledhjes së djeshme të drejtuar nga drejtuesi politik i Qarkut Shkodër, prof.Luçiano Boçi! Mobilizim i strukturave për takimin e 18 marsit ku i pranishëm do jetë lideri i Partisë Demokratike, prof.dr.Sali Berisha!
Pjesëmarrje e gjërë e demokratëve të Shkodrës në takimin madhështor të 18 marsit ku lideri i opozitës do bëjë prezantimin e kandidatëve për deputetë në zgjedhjet e 11 Majit dhe prezantimin e programit të Partisë Demokratike! Shkodra voton Partinë Demokratike! Fitorja fillon nga Shkodra”, shkruan Shkreli.
Lista pritet me mjaft interes jo vetem nga strukturat e PD por edhe opinioni publik. A do të respektohet mendimi i antarësisë demokrate, i shprehur përmes votimit në primaret e 1 mars 2025?
