Malësia e Madhe ka një përfaqësim të gjërë por edhe të denjë në zgjedhjet parlamentare të 11 Majit 2025. Duke u ndaluar në dy partitë kryesore, PD dhe PS, janë 6 emra që kandidojnë, prej të cilëve 2 thuajse 100% deputetë të sigurtë, duke nisur nga llogaritë matematikore të bazuara në zgjedhjet e vitit 2021. Po cilët janë përfaqësuesit e Malësisë së Madhe në lista?
Bujar Rexha, i kthyer nga Shtetet e Bashkuara të Amerikës, ka kryer shkollën “Skenderbej” në periudhën 1986- 1990 dhe ka punuar në grupin e shoqëruesve të autoriteteve shtetërore, për të vijuar më pas edhe në biznes. Ka lindur me 1 maj 1971.
Ramadan Likaj, ndoshta është emri më i njohur si deputet aktual i PD- së por edhe si ish- kryebashkiak i Koplikut dhe biznesmen i njohur në trevën e Malësisë së Madhe. Ai është diplomuar si jurist dhe ka një mastër për sigurinë ushqimore. Ka lindur me 10 janar 1966.
Vera Ndrecaj, është një emër mjaft i njohur sidomos vitet e fundit, për shkak të angazhimeve por edhe suksesit në sistemin e lartë arsimor në Britaninë e Madhe, duke qenë edhe pedagoge. Fillesat e saj publike, i ka në Shkodra TV1, si moderatore.
Enertil Canaj, është biznesmen por me përvojë në administratën shtetërore, duke mbajtur pozicione të rëndësishme edhe DPT, si edhe drejtor i Hetimit Tatimor. Ka lindur 14 nëntor 1988.
Aurel Markaj, është diplomuar në Universitetin “Luigj Gurakuqi”, pasi ka përfunduar gjimnazin “Sherif Hoxha” në Koplik. Ishte pjesë e primareve të PD- së në Malësinë e Madhe, duke qenë kryetar i komisionit që administroi procesin.
Shkelqim Sterkaj, përfaqëson një familje dhe fis të njohur në Malësinë e Madhe. Ai ka mbajtur pozicione të rëndësishme në administratën shtetërore në nivel lokal dhe rajonal, ndërsa administron edhe biznese.
