Kjo fushatë elektorale që është në ditët e fundit të saj dhe Senada Mehmeti është kandidatja për deputete e PD- ASHM që ka qenë vazhdimisht në terren duke takuar qytetarë të moshave, shtresave, pozicioneve dhe profesioneve të ndyshme.
Edhe në këto ditë të mbetura, ajo është e rrethuar nga shkodranët, të cilët e vlerësojnë për guximin por edhe çiltërsinë dhe thjeshtësinë e kominikimit me të gjithë.
“Vijon çdo ditë turi i stendave në Shkodër! Jemi pranë qytetarëve, ballë për ballë me hallet, zërin dhe shpresat e tyre. Ndryshimi nuk ndodh në zyrë, ndodh në terren, me njerëzit, me qytetin që kërkon dhe meriton më shumë. Zëri i qytetarëve është udhërrëfyesi ynë politik. Ne nuk premtojmë nga larg — ne dëgjojmë dhe veprojmë!”, shkruan në një nga publikimet e saj në rrjetet sociale Senada Mehmeti.
