Gjykata ka vendosur ditën e djeshme “Arrest me Burg” për Devi Lala 17 vjeç. Masa e sigurimit në ngarkim të Devi Lala është zhvilluar me dyer të mbyllura për shkak se i arrestuari është i mitur.
Ai akuzohet për vrasjen e16 vjeçarit Angelis Gjokazaj. Ngjarja ka ndodhur me datë 2 mars, në lagjen numër 15, Durrës ku të rinjtë janë konfliktuar, ndërsa me pas Lala e ka qëlluar disa herë Gjokazajn me thikë gjë që ka bërë që Angelis të ndërronte jetë në spital.
Devi Lala ka është shprehur se veprimin e ka kryer nga frika, pasi kanë tentuar ta sulmojnë, por megjithatë shpreh pendesë për aktin e tij.
“Më sulmoi vetë i pari, më goditi në kokë me celular. Ata ishin dy dhe unë nxorra thikën nga frika, për t’u mbrojtur. E kam qëlluar nga frika”, është shprehur 17-vjeçari.”
“Megjithatë, ndjej shumë pendesë për veprimin tim, mund edhe ta kisha shmangur”, ka thënë i riu.
