Nuk duhet të kishte qëlluar mbi makinën në arrati ndaj policisë, pasi situata nuk paraqiste elementë që mund të bënin rrezik për jetën.
Kështu është motivacioni i dënimit të oficerit Mirco Basconi, 42 vjec që në shkurt të vitit 2015 qëlloi dhe la të vdekur në vend një hajdut shqiptar që ishte në arrati, teksa policia po e ndiqte në Ostra Vetere, shkruajne mediat italiane.
Karabinieri i ishte drejtuar apelit në Ankona pas dënimit nga shkalla e parë që e bën atë fajtor për vrasjen e shqiptarit 24 vjecar Korab Xheta. Ai u dënua me 1 vit burg dhe më pas e apeloi, ndërkohë që gjykata kishte caktuar edhe 2 mln euro dëmshpërblim për familjen.
Polici ka treguar se ka qëlluar gomat e makinës, por një plumb ka bërë rikoshetë dhe e ka qëlluar në kokë shqiptarin. Ai u transportua në spital, por ndërroi jetë pas disa ditësh në koma.
