Kandidati i PS-së për Qarkun Shkodër Paulin Sterkaj, i shoqëruar nga kryebashkiaku i Malësisë së Madhe Tonin Marina, ka zhvilluar një takim të zgjeruar me mjekë, infermierë dhe personel mjekësor. Në fjalën e tij, kandidati Sterkaj ka sjellë në vëmendje ndryshimet e thella që kanë ndodhur gjatë këtyre 8 viteve në përmirësimin e sherbimit për të semuret, ndërtimin e qendrave të reja shendetësore dhe kualifikimin e stafit mjekësor në sajë të politikave të drejta të qeverisë socialiste.
Sipas Sterkajt, këto ndryshime dukshëm janë reflektuar edhe në sherbimin shëndetësor në rrethin e Malësise së Madhe. Në përgjigje të sulmeve të adresuara kundër tij nga kryetari i deges së PD- së Malësi e Madhe Anton Kokaj, kandidati Sterkaj ështk shprehur se me ardhjen në pushtet të Partisë Socialiste, ka marrë fund njëherë e përgjithmonë koha që, kur qeveriste Partia Demokratike ju kërkonte votat në këmbim të vendit të punës.
Ka 8 vjet që nuk shiten më vendet e punës deri në 5 mijë euro ose që kërcënohen me largim nga vendi i punës nëse nuk e voton partinë në pushtet, ka sqaruar Sterkaj. “Unë, ju bëj thirrje ta mbeshtesni me zemër Partinë Socialiste, nëse vërtetë e ndjeni ndryshimin dhe besoni te programi i saj, po asnjëherë me presion ose me frikë se dikush do t’ ju largojë nga vendi i punës .Harrojeni, pasi ajo periudhë i përket kohës kur në pushtet ishte Partia Demokratike”, është shprehur gjatë takimit kandidati i PS- së Paulin Sterkaj.
Gjatë takimit kanë përshendetur dhe kryetari i Bashkisë Tonin Marinaj dhe drejtori i Shendetit Publik Endrit Zekaj. Me propozim të kandidatit Sterkaj është mbajtur 1 minutë heshtje në nderim të infermierit që ka ndërruar jetë, të ndjerit Fran Gështenja. Pjesëmarrja ka qenë masive në këtë takim dhe të pranishmit kanë përcjellë mbështetjen e tyre me 25 prill duke votuar Partine Socialiste dhe kandidatin e saj Paulin Sterkaj.
