Kuqeblutë kanë kryer mëse miri detyrën e tyre të rradhës, duke mundur thellë Lushnjën në “Loro Boriçi”. Ka qënë në ndeshje me vetëm një skuadër në fushë, sidomos në pjesën e parë. Goli ka ardhur shumë shpejt për shkodranët në minutën e 6-të me autor Sukaj. Nuk ka vonuar dhe në repartin e sulmit është përgjigjur Ribaj në minutën e 15-të.
Kur mendohej se me këtë rezultat do të përfundonte pjesa e parë, Sukaj ka dhuruar një gol që rradhë shihet në fushat e futbollit jo vetëm në Shqipëri. Pasi ka parë të dalë nga porta portierin lushnjar, nga mesfusha ka kalibruar një goditje. Portieri mik vetëm sa është detyruar të nxjerrë topin nga rrjeta. Në minutën e 82- të është i riu Pusi ai që shënon një tjetër gol, duke e kthyer në “poker” fitoren e Vllaznisë ndaj Lushnjës. Ndërkohë, rivali direkt për rënie nga Superliga, Teuta e Durrësit, vijon të tolerohet haptas, këtë herë nga Luftëtari, i cili ka mbyullur në barazim pa gola sfidën në Gjirokastër.
Javën që vjen Vllaznia ka një përballje shumë të rëndësishme në Durrës me Teutën, ku duhet të japë maksimumin për të mos dalë pa pikë. Në vijim, Lulftëtari dhe Laçi do të jenë mysafirë në Shkodër për të kërkuar 6 pikë të plota.
