Klubi i Futbollit Vllaznia njofton të gjithë tifozët e interesuar, se nga dita e nesërme, dt. 3 gusht 2023, fillon shitja e aboneve për sezonin 2023 – 2024. Ju inkurajojmë, të gjithëve ju, tifozë dhe dashamirës të KF Vllaznia që të përjetoni emocionet unike, nga afër përgjatë gjithë sezonit, duke rezervuar vendin tuaj të dedikuar në stadium.
Sipas tribunave, tek çmimet e aboneve keni të përfshira edhe disa dhurata.
Një abone në tribunën VIP do ketë si dhuratë 1 fanele te personalizuar të sezonit 2023-24. 1 shall KF Vllaznia dhe kupon me vlerën e 20% zbritje për çdo blerje në dyqanin online të KF Vllaznia (http://shop.vllaznia.al)
Një abone në tribunat A dhe B do të ketë si dhuratë 1 shall KF Vllaznia, 1 kapele KF Vllaznia dhe kupon me vlerën e 20% zbritje për çdo blerje në dyqanin online të KF Vllaznia (http://shop.vllaznia.al).
Ndërsa një abone në tribunat C dhe D do të ketë dhuratë 1 shall KF Vllaznia dhe kupon me vlerën e 20% zbritje per çdo blerje në dyqanin online të KF Vllaznia (http://shop.vllaznia.al).
Gjithashtu, bëjmë me dije se në abone do të jenë të përfshira edhe ndeshjet ndërkombëtare që KF Vllaznia do të zhvillojë gjatë këtij sezoni.
Forca Vllaznia!
