Vllaznia ia ka dalë të kaloajë pa shumë problem pengesën e radhës në Kupën e Shqipërisë. Pasi në turin e parë i shënoi shtatë gola Devollit, këtë herë shkodranët e tejkaluan këtë kuotë duke shënuar tetë herë, ndërsa ruajtën portën e paprekur.
Të besuarit e trajnerit Tomas Bërdariç, konfirmojnë formën e mirë në këtë fillim të sezonit, teksa e mbyllën ndeshjen ndaj Elbasanit për 45 minuta ku gjetën rrugën e rrjetës plot katër herë. Dilaver ishte ai që zhbllokoi shifrat në minutën e katërt, për t’ia lënë më pas radhën golave të Dungës në të 29-tën dhe të Imerit në të 40-tën.
Sakaq, në fraksionin e dytë të takimit, Vllaznia shënoi edhe katër herë të tjera për të plotësuar rezultatin 8-0, me Elbasanin që nuk kishte çfarë të bënte për të ndërprerë vrullin e vendasve të cilët ishin shumë të motivuar.
Kupa e Shqipërisë Grupi B:
Vllaznia-Egnatia 8-0
Shënues: 4’Dilaver, 15’Imeri, 29’Dunga, 40’Imeri, 67′ Mandiangu, 76’Coba, 83’Silva Matos, 88’Silva Matos