Vllaznia ka marrë një humbje të pamerituar në takimin e rradhës me Laçin. Kuqeblutë janë mundur minimalisht 0 – 1 me një gol të shënuar nga Uzuni në minutën e 44-ët. Një gol që nisi nga një episod i dyshimtë i kontestuar nga futbollistët shkodranë. Ndërsa kërkonin një faull për një ndërhyrje të gabuar ndaj një mbrojtësi kuqblu, Ansi Nika kroson në zonë dhe me kokë Uzuni mposht Sherrin.
Duhet thënë se Vllaznia dominoi takimin, ka patur edhe raste për të shënuar por në fund lë 3 pikë në Laç. Në përballjet direkte në Supërligë, kjo është humbja e tretë. Pozita e kuqebluve ndërlikohet për mbijetesën teksa në Kamzë durrsakët e Teutës ja kanë dalë të marrin tre pikë. Ndaj Vllaznisë ekipi laçian mori fitoren e parë për vitin 2018.
