VIDEO – Vllaznia “i falet” brazilianit Junior, kuqeblutë mundin Flamurtarin për Kupë dhe do të ndeshen me…

Vllaznia kalon në tetë më të mirat në Kupën e Shqipërisë. Kuqeblutë e drejtuar nga Mirsad Jonuz kanë përmbysur barazimin e një jave më parë në Shkodër 2 – 2. Shkodranët i janë “falur” Silvio Junior, brazilianit që u afrua në merkaton e janarit. Në minutën 28- të Junior ktheu në gol një penallti, ndërsa në minutën e 74-ët vulosi me golin e dytë fitoren dhe kalimin në fazën tjetër. Në fazën e ardhshme, Vllaznia do të ndeshet me Teutën e Durrësit në dy ndeshje vajtje- ardhje.


Ky tur i Kupës ka patur edhe surpriza, më e madhja largimi i Partizanit nga gara. Pavarësisht fitores në ndeshjen e dytë 3- 1, humbja në Lezhë 0 – 3 kaloi përpara Besëlidhjen që e sheh veten në tetë më të mirat. Po ashtu, u largua nga Kupa edhe Laçi, i cili pavarësisht fitores 3 – 2 sot, “i hapi krahun” Bylisit pas fitores një javë më parë 2 -0 në Ballsh.

Ndeshjet e luajtura sot:

Flamurtari – Vllaznia 0 – 2

Teuta – Erzeni 2 – 1

Partizani – Besëlidhja 3 – 1

Tirana – Kastrioti 4 – 0

Kukësi – Lushnja 3 – 0

Luftëtari – Apolonia 0 – 0

Skenderbeu – Besa 1 – 0

Laçi – Bylis 3 – 2

Menjëherë pas mbylljes së ndeshjeve të sotme, Sektori i Garave në Federatën e Futbollit ka përcaktuar kalendarin e ndeshjeve të turit çerekfinal të Kupës së Shqipërisë. Në këto ndeshje do përballen:

1. Tirana-Besëlidhja

2. Vllaznia-Teuta

3. Apolonia-Kukësi

4. Bylis-Skënderbeu

Ndeshjet e para do të zhvillohen më datë 18 mars 2020 dhe Vllaznia do ta luaje ndeshjen e pare pikerisht ne stadiumin “Loro Boriçi”, ndërsa ndeshjet e kthimit më datë 08 prill 2020 do te luhet ne “Niko Dovana”.

Copyright © ShkodraWeb Media

ShkodraWeb Media

ShkodraWeb Media