Vllaznia është shpallur zyrtarisht kampione e edicionit futbollistik 2022-2023 në kampionatin e futbollit të vajzave. Kjo është hera e 10-të radhazi që kuqeblutë kurorëzohen me titullin ‘kampione të Shqipërisë’ në futbollin e vajzave. Vllaznia e mbylli kampionatin në kuotën e 54 pikëve pas 18 javëve të zhvilluara, ku ka njohur vetëm fitore, asnjë humbje dhe asnjë barazim.
Në ndeshjen e 18-të të kampionatit, Vllaznia mposhti rivalen direkt për titull, Tiranën. Vajzat kuqeblu triumfuan me rezultatin 3-0, me gola të Megi Doçit, Matilda Gjergjit e Gresa Berishës.
Në fund të takimit, u zhvillua edhe ceremonia e dorëzimit të medaljeve për të gjithë pjestëarët e Vllaznisë nga anëtari i Komitetit Ekzekutiv të FSHF-së, Bardhyl Jera, i cili gjithashtu i dorëzoi kapitenes së ekipit, Esmeralda Franja edhe trofeun e kampiones.
Padyshim qe ky moment festiv eshte shoqeruar me nje feste te madhe ne stadiumin “Loro Boriçi” sepse u kurorezua me sukses nje tjeter kampionat per vajzat kuqeblu qe tashme do te vendosin yllin e argjendtë ne fanellat e tyre.
Ndërkohë, presidenti i FSHF- së Armand Duka, ka përcjellë edhe urimet e rastit për këtë arritje të veçantë të vajzave kuqeblu të Vllaznisë: “Urime Vllaznia për titullin e 10-të rradhazi kampion. Dëshiroj t’i shpreh urimet më të përzemërta Vllaznisë së vajzave për titullin kampion në këtë sezon.
Një sezon i jashtëzakonshëm për vajzat shkodrane ku përveç sukseseve brenda vendit nderuan futbollin shqiptar duke arritur në 16 më të mirat e UEFA Women’s Champions League.
Përgëzime për të gjithë kontributorët e këtij suksesi, nga vajzat që shkëlqejnë në fushën e lojës te stafi teknik e Presidenti Matija që nuk rresht së investuari për të rritur futbollin e vajzave.
Edhe njëherë shumë urime e suksese në të ardhmen e afërt.”, shkruan Duka.
