“Vllaznia e sheh Europën nga Kupa”, trajneri Mirsad Jonuz i kënaqur pas kualifikimit në Vlorë dhe tregon objektivin…

Trajneri i Vllaznisë Mirsad Jonuz është parë të jetë i kënaqur pas fitores dhe kualifikimit ndaj Flamurtarit. Në prononcimin e dhënë për mediat pas ndeshjes, ai ka deklaruar se kupa është një mundësi e mirë për Vllazninë që të shkojë në Europë.


“Ishte një ndeshje e vështirë pasi sfida e parë ishte mbyllur në barazim 2-2. Ndeshja e dytë luhej jashtë dhe duhej shumë punë për ta hapur rezultatin. Për mua, pjesa e parë ishte më e mirë. Kishim dy- tre aksione të mira dhe pastaj morëm një penallti. Patëm shansin të shënonim edhe golin e dytë pa u mbyllur ende pjesa e parë por nuk e bëmë. Megjithatë e gjetëm në pjesën e dytë dhe aty ndeshja mbaroi.

Çfarë të them për Flamurtarin? Ka akoma lojtarë të rinj dhe në 30 minutat e para kanë bërë më shumë pasime, por pas penalltisë ne e kontrolluam lojën. Për mua ky është një kualifikim shumë i rëndësishëm, pasi sfidën e rradhës në kampionat e kemi përsëri jashtë me Teutën.

Është një shans i mirë të shkojmë në Europë përmes Kupës. Tani duhet të harrojmë çdo gjë dhe të punojmë e të jemi të përqendruar tek sfida me Teutën të dielën”.

Për të afishuar reklamën apo njoftimin tuaj në ShkodraWeb Media mund të kontaktoni duke klikuar ShkodraWeb Media dhe menjëherë do të kontaktoheni nga stafi. ShkodraWeb Media ju mirëpret!