
Vllaznia vazhdon përgatitjet në Austri. Këtë të dielë, shkodranët zhvilluan një miqësore ndaj Al Ahli, duke e mundur 1-2.
Skuadra shkodrane shënoi 2 gola të shpejtë. Ishte fillimisht Jonuzi në minutën e 11-të që dërgoi topin në fundin e rrjetës, ndërsa dy minuta më pas Kaina dërgoi ekipin e tij në avantazh të dyfishtë.
Pjesa e dytë do ishte ritmike, me raste sa në njërën portë, në tjetrën. Gjithsesi, nuk pati gola në fraksionin e dytë.
Edhe testet e tjera kanë përfunduar në mënyrën më të mirë të mundshme për gjigandët e Abissnet Superiore, pasi në takimet ndaj Traiskirchen dhe Lafnitz është arritur sukses.
Ekipi i drejtuar nga Mirel Josa ka përpara 2 ndeshje tejet të rëndësishme. Vllaznia do masë forcat me Universitatea Craiova me datat 21 dhe 28 korrik, në kuadër të turit të dytë të Conference League.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!