16 shkurtit 1919 shënon ditëlindjen e Shoqnisë Vllaznia. Si sot 103 vjet më parë, një grup shkodranësh mendjendritur, i dhanë jetë një emri, një logoje dhe një simboli që ka shënjuar historinë e Shqipërisë në të gjitha disiplinat sportive.
Në këtë përvjetor, nuk ka munguar as urimi i Bardh Spahisë, i njohur si një nga mbështetësit “në hije” të ngjyrave kuqeblu. Me një publikim në faqen zyrtare në Facebook, Spahia uron ditëlindjen e Vllaznisë, ndërsa ka ripupublikuar videon e flamurit gjigand që u vendos rreth një vit më parë në tribunën përkarshi të “Loro Boriçit”. Ishte dhurata e Spahisë për ekipin, i cili pas shumë viteve, vjet u rikthye në elitën e ekipeve pretendente për trofe në Shqipëri.
PUBLIKIMI I BARDH SPAHISË
Gëzuar ditëlindjen Vllaznia jonë! 💙❤️
103 vjet më parë, patriotë, burra të mençur, intelektualë, i dhanë jetë klubit më të vjetër në Shqipëri, një emri që sot bën krenar çdo shkodran e shqiptar: Vllazni!
Në Shkodër ❤️, urën e përhershme drejt perëndimit, ata burra zgjodhën një emër shqiptar, domethënës dhe që do të jepte mesazh në çdo kohë e sa herë shqiptohej: Vllazni!
Gëzuar zemrave kuqeblu❤️💙, të gjithë shkodranëve e shqiptarëve! 🇦🇱
Vllazni ti je zemra jonë!
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
