Vjedhje bizhuterish dhe parash, ne pranga 13-vjecari…

Pas 11 ditësh nga denoncimi i bërë në polici, për vjedhjen e një banese në Himarë, është bërë i mundur arrestimi i autorëve përgjegjës.

Në prangat e policisë ka rënë Albi Biçaku dhe një 13- vjeçar me iniciale A.O.

Burime zyrtare nga policia, bëjnë me dije se Biçaku dhe 13- vjeçari A.O, në datën 15 korrik kanë vjedhur në një banesë, disa bizhuteri me vlerë monetare 400 euro dhe në një tjetër banesë kanë arritur të vjedhin 30 000 lekë të reja.

Gjithashtu në 24 korrik, Albi Biçaku dhe i mituri 13- vjeçar, i cili është banues në Librazhd, kanë vjedhur  në një hotel në Dhërmi,  një shumë prej 100 eurosh dhe 75 000 lekë të reja.

/shqiptarja.com/