Grabitjet janë një fenomen që “lulëzon” më shumë në periudhë krizash ekonomike ose papunësie. Kjo shpjegon edhe faktin e shtimit në masë të grabitjeve në fshatin Dukat të qytetit të Vlorës..
Pre e grabitjeve nuk kanë rënë vetëm shtëpitë e emigrantëve që janë zakonisht pikësynimi i “skifterëve”, për shkak se pjesën më të madhe të kohës janë pa njerëz, por edhe ajo e kryetarit të fshatit.
E veçanta e këtyre vjedhjeve është se veç ndonjë objekti me vlerë, të tipit televizor apo çfarë mund të gjejnë, hajdutët kanë ndjekur të njëjtën procedurë në të gjitha banesat e grabitura.
Ata kanë futur duart tek kabllot e energjisë elektrike, duke vjedhur instalimet e banesave.
Banorët ankohen se policia nuk ka zbuluar ende se kush janë hajdutët. Ata kërkojnë vendosjen e patrullave dhe kapjen e grabitësve, të cilët janë kthyer në makth./joq/