Më poshtë jepet i plotë telegrami i enveristëve ushtarakë me shërbim në Rrethin e Shkodrës. Me tekstin e tyre ultimativ mbronin një terrorist si Enver Hoxha dhe quanin “vandalë” e “terroristë” qytetarët e Tiranës që hoqën simbolet e tij. Këta e kërkonin diktatorin të shpallej hero kombëtar, në një kohë që ishte shpallur një herë i tillë dhe dy herë të tjera hero i punës socialiste. Sigurisht ishte edhe hero i popujve të Jugosllavisë.
(Ekstrakt)
Ne efektivat e reparteve ushtarake të zonës Vau Dejës kemi ndjekur e po ndjekim proceset e demokratizimit në vend dhe jemi të bindur për nevojën dhe domosdoshmërinë e këtij procesi, nismëtare e të cilit është Partia e Punës e Shqipërisë me shokun Ramiz Alia në krye.
Na kanë indinjuar dhe shqetësuar shumë, e na kanë goditur rëndë veprimet vandale e terroriste të kryera me monumentin e shokut Enver Hoxha dhe me goditjen me armë që u është bërë efektivave të shkollave ushtarake në Tiranë nga grupe të caktuara vandalistësh e terroristësh .
Veprimi i bërë me rrëzimin e monumentit të shokut Enver Hoxha na ka ulur krenarinë e kombit, na ka vënë një njollë që duhet hequr e që s’mund të mbajmë me çfarëdo çmimi qoftë. U thellua kjo me goditje me armë që ju bë efektivave të shkollave ushtarake, që për ne është një tatim pulsi e përpjekje për futje të vendit në rrugën e gjakderdhjes.
Me keqardhje, por vërejmë se ka parti politike që në mis qenësishin drejtues të këtyre forcave të errëta janë nxitëse e inkurajuese për ato.
Kërkojmë
1-Të plotësohen kërkesat e shtruara nga efektivat e shkollave ushtarake.
2-Të urdhërohen organet e ruajtjes së rendit të veprojnë sipas ligjeve në fuqi kundër forcave të errëta, vandale e terroriste dhe të zbatohen ligjet me fuqinë e tyre të plotë, duke menduar se ne efektivat e ushtrisë popullore na ka në mbrojtje populli, atdheu, liria e pavarësia dhe askush tjetër.
3-T’i deklarohet popullit data e vendosjes së monumentit Enver Hoxha dhe deri në datën e vendosjes së tij, në vendin monumental me ato përmasa të vendoset në portret në tre faqeta dhe nuk ka pse të pritet referendumi popullor, pasi, populli ka vendosur një herë dhe përsëri këto ditët e fundit e dha mendimin e tij.
4-Për cilësimin e Enver Hoxhës hero kombëtar të lihet për gjykim nëpërmjet një referendumi popullor.
5-Këshilli Presidencial dhe qeveria të veprojnë në bazë të ligjeve kundër asaj partie politike që me qëndrimet e veprimet e saj, kërkon të destabilizojë vendin, fyen ndjenjat, krenarinë e kombit dhe popullit.
6-Të përmbushen kërkesa e popullit për të dhënë herë pas here veprimtari të shokut Enver Hoxha dhe këngë e valle popullore kushtuar jetës së popullit e vendit me këtë kryetrim e komandant legjendarë.
7-Shkollat ushtarake:
-Shkolla e Bashkuar e Oficerëve “Enver Hoxha”
-Akademia Ushtarake
-Fidanishtessë ushtrisë sonë popullore-Shkolla “Skënderbej”,
të dekorohen me urdhrin e trimërisë.
8-Radiotelevizioni shqiptar të pastrohet nga individë të tipit Napolon Roshi, FiririSejdiaj, që nuk shprehin ndjenjat e popullit gjatë transmetimit të emisionit e intervistave, por shfrytëzojnë pozicionin zyrtar për t’ju kundërvënë atij pasi kanë rënë në trysninë e grupeve partiake.
9-Telegrami të transmetohet në radio e televizion.
Ju falënderojmë shokë studentë të shkollës së Lartë të Bashkuar të Oficerëve “Enver Hoxha”, shokë dëgjues të Akademisë Ushtarake, shokë skënderbegas të vegjël të fidanishtes të Ushtrisë tonë Popullore dhe ju shokë pedagogë e punonjës të këtyre shkollave se me veprimin e qëndrimin tuaj, i shtuan atdheut, popullit dhe vetes, një faqe të re të historinë tonë të lavdishme, për mbrojtjen e Shqipërisë dhe figurës të komandantit tonë legjendarë Enver Hoxha.
Falënderojmë popullin e Korçës heroike për rivendosjen e monumentit të shokut Enver Hoxha në vendin e mëparshëm dhe ashtu siç ka qenë midis popullit patriot të Korçës dhe ftojmë popullin e qyteteve të tjera të Shqipërisë të mos ngelin prapa.
Nga efektivat dhe punonjësit e reparteve ushtarake të zonës të Vaut të Dejës, Shkodër.
Vau i Dejës, më 27.2.1991
(nënshkrimet në faksimile)
