Policia e Elbasanit ka shoqëruar në komisariat një shtetas i cili dyshohet se ka lidhje me grupin e grabitjes së të martës në aeroportin e Rinasit. Nga informacionet e para rezulton se personi që është shoqëruar, është një ish-efektiv policie që ka shërbyer në Elbasan.
Nga ekspertiza që është bërë rezulton se nga telefonatat që kanë bërë autorët, ish-efektivi ka komunikuar me grabitësit e Rinasit dhe ka elementë të bashkëpunimit. Ky shtetas rezulton të jetë me precedent penal, ndërsa ende nuk ka një konfirmim nga ana e policisë për rastin në fjalë.
Mësohet se shoqërimi i tij është bërë pasi gjatë një kontrolli i janë gjetur sasi droge, e dyshuar për kokainë, sakaq pritet konfirmimi nga ana e Policisë së Elbasanit, për të sqaruar nëse i shoqëruari ka lidhje me grupin e grabitësve të parave në Rinas.
