Një kontroll ritinë apo pas një sinjalizimi, ka sjellë vënien në pranga në kushtet e flagrancës të dy personave në Shkodër. Lajmi bëhet i ditur nga uniformat blu, të cilat japin detaje lidhur me ngjarjen. Në mjetin me të cilin udhëtonin, kontrolli i policisë ka gjetur dy doza “mall”. Kaq ka mjaftuar që dy personave të hidhen prangat menjëherë. Policia e ka përcjellë çeshtjen në duart e prokurorisë, e cilat pritet të vijojë veprimet e mëtejshme. Sipas burimeve nga blutë e Shkodrës, personat janë Arens Curri dhe Zef Bokaj. Curri banon në Shkodër, Bokaj në Lezhë.
Njoftimi i policisë:
Arrestohen 2 shtetas, sekuestrohet lëndë narkotike në mjetin e tyre. Specialistët për Hetimin Narkotikëve në DVP Shkodër arrestuan në flagrancë shtetasit Arens Curri, banues në Shkodër dhe Zef Bokaj, banues në Lezhë.
Gjatë kontrollit në mjetin në të cilin udhëtonin, ju gjetën dhe bllokuan në cilësinë e provës materiale 2 doza lëndë narkotike e dyshuar Kokainë.
Materialet hetimore i kaluan Prokurorisë pranë Gjykatës së Shkallës Parë Shkodër për veprën penale e “Prodhimi dhe shitja e narkotikeve e kryer në bashkëpunim”, parashikuar nga neni 283/2 i Kodit Penal.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
