Bardh Spahia ka rezultuar fitues i “primareve” për Bashkinë e Shkodrës, të organizuara nga Komisioni i Rithemelimit të PD- së për të përcaktuar kandidatin kyrtar për kryebashkiak në zgjedhjet e pjesshme vendore të 6 marsit, të shpallura nga Presidenti Meta.
Spahia ia ka dalë të fitojë në tre qendrat e votimit në Berdicë, Rrethina dhe Shkodër Qytet, duke marrë 1011 vota nga 1508 anëtarë që morën pjesë në votim ose, 67% të totalit të votave. Pas tij, u rendit Irena Shestani Shala me 295 vota, Astrit Bushati me 201 vota dhe Irma Kopliku Alushi me 49 vota. Arben Maliqi dhe Alfred Koçobashi nuk kanë rezultuar të votuar.
Sipas qendrave të votimit, votat e marra nga kandidatët janë si më poshtë:
Qendra e votimit Berdicë
Bardh Spahia 229 vota
Astrit Bushati 42 vota
Irena Shestani 36 vota
Irma Kopliku 7 vota
Qendra e votimit Rrethina
Bardh Spahia 301 vota
Astrit Bushati 33 vota
Irena Shestani 79 vota
Irma Kopliku 6 vota
E pavlefshme 1 votë
Qendra e votimit Shkodër Qytet
Bardh Spahia 481 vota
Astrit Bushati 126 vota
Irena Shestani 180 vota
Irma Kopliku 36 vota
E pavlefshme 1 votë
Pas fitores në “primare”, e cila e rreshton Bardh Spahinë si kandidatin e dytë zyrtar për Bashkinë e Shkodrës me 6 mars, ai ka folur për mediat e pranishme, duke u shprehur i sigurtë se fitorja i perket demokratëve të vertetë dhe Partisë Demokratike.
Spahia ka vlerësuar me nota maksimale procesin e “primareve”, ndërsa ka folur për bashkim fillimisht brenda radhëve të PD- së por edhe me të gjithë qytetarët e ndershëm të saj, për ta bërë Shkodrën shembull të demokracisë. /ShkodraWeb/
