Rektori i Universitetit “Luigj Gurakuqi” të Shkodrës, Tonin Gjuraj, ka dalë këtë të martë para mediave. Siç kishte paralajmëruar ShkodraWeb nga burimet e saj, numri 1 i UNISHK ka dalë para gazetarëve për të sqaruar publikisht pozicionin e tij për procesin e përzgjedhjes së administratorit të IAL- së.
Pasi ka bërë deklaratën e tij për gazetarët dhe opinionin publik, rektori Tonin Gjuraj i është përgjigjur edhe pyetjeve të gazetarëve të pranishëm. Më poshtë, dalja për mediat e rektorit të UNISHK, Tonin Gjuraj.
Në deklaratën e tij, ai theksoi rëndësinë e respektimit të standardeve ligjore dhe institucionale, duke e konsideruar këtë proces si një moment kyç për funksionimin e qëndrueshëm të universitetit. Rektori vuri theks të veçantë tek integriteti institucional, etika në vendimmarrje dhe transparenca në çdo hallkë të procesit.
Sipas tij, garantimi i këtyre parimeve është thelbësor për besimin publik dhe për forcimin e imazhit të institucionit në raport me studentët, stafin akademik, administratën dhe opinionin e gjerë. Universiteti mbetet i përkushtuar ndaj praktikave të mira të qeverisjes dhe respektimit të plotë të kuadrit ligjor në çdo procedurë, ka nënvizuar rektori Gjuraj
