Shqipëria e ka mbyllur me një humbje pjesëmarrjen e saj në kualifikueset e Botërorit 2026, teksa është mundur me shifrat 2-0 në “Uembli” përballë Anglisë vendase.
Në minutën e 19- të, gabimi i parë i kuqezinjve rezulton fatal! Asani sheh t’i ikë pas shpinës Ljuis-Skelli i cili nuk gabon para Strakoshës duke i kaluar topin mes këmbëve. 1-0 për Anglinë dhe me këtë rezultat mbyllet pjesa e parë.
Në pjesën e dytë, vjen goli i dytë i vendasve, sërish pas një gabimi të mbrojtjes tonë. Kejn nuk mbulohet mirë nga Ajeti dhe e shmang atë, gjuajtja e sulmuesit është e pakapshme për Strakoshën.
Pas tre ditëve në “Arena Kombëtare” kuqezinjtë presin Andorrën që u mund sonte nga Letonia, rezultati i vetëm i lejuar është fitorja për Kombëtaren tonë.
