Vrasësi i ish-kryeplakut të fshatit Rehovë në Skrapar ka dalë ditën e djeshme para gjykatës në Berat.
I rënduar nga gjendja psikologjike dhe i penduar për vrasjen e 60 vjeçarit autori Fatmir Cenaj u pa të dridhej teksa e mbanin për krahu dy gardianët.
58-vjeçari ishte në një gjendje mjaft të ngarkuar ndërsa priti masën e sigurisë arrest me burg, për veprat e vrasjes më paramendim dhe armëmbajtje pa leje.
Cenaj ka deklaruar se nuk donte ta vriste viktimën por qëllimi i tij ishte vetëm ta trembte atë.
E pavarësisht kësaj gjyqtarja Lutfie Çela ka vendosur masën “arrest me burg” për 60-vjeçarin.
Fatmir Cenaj dhe Jonuz Banaj ishin komshinj me njëri-tjetrin, ndërsa ngjarja e rëndë ndodhi pas një konflikti që të dy kishin prej vitesh për kufirin ndarës për tokat e tyre në fshat.
Mësohet se fillimisht mes dy kryefamiljarëve ka pasur një debat dhe më pas autori, 58-vjeçari Cenaj, ka shkuar në banesë, ka marrë armën e zjarrit automatik model 56 dhe ka qëlluar mbi fqinjin e tij, duke e lënë fillimisht të plagosur.
Familjarët e Banajt kanë ndërhyrë duke e dërguar me helikopter drejt Spitalit Ushtarak, ku ndërroi jetë pas disa orësh, për shkak të plagëve të rënda që mori dhe humbjes së madhe të gjakut.
Policia ndërkohë arrestoi autorin shumë pranë tokave të tyre. Ngjarja e rëndë ndodhi mëngjesin e 3 prillit kur pas tre vitesh konfliktesh për pronën, Fatmir Cenaj mori armën brenda në shtëpi dhe doli për të vrarë ish-kryeplakun e fshatit./joq/
