Në sallën e Këshillit të Bashkisë së Shkodrës është miratuar buxheti për vitin 2025-së. Ka qënë kryetari i Bashkisë Shkodër Benet Beci, i cili ka zgjedhur që të prezantojë para këshilltarëve por edhe shkodranëve vizionin për Shkodrën- kryeqendër të rajonit me investime konkrete, të cilat kapin shifrën e 45 milion eurove.
Por pas fjalës së kryebashkiakut opozita ka zgjedhur të bllokojë foltoren dhe procedurën standarte të mbledhjes së Këshillit Bashkiak çka solli edhe 5 minuta pushim të mbledhjes. Megjithatë pavarësisht pushimit edhe me rifillimin e mbledhjes situata ka qenë e njëjtë. Kryetari i Këshillit bashkiak Oltion Luli ka hedhur në votim buxhetin e vitit 2025-s që ka vlerën e 29 milion eurove në total, i cili mori 30 vota pro të këshilltarëve.
Ndërkohë, pas përfundimit të mbledhjes, ka folur për mediat këshilltarja bashkiake e PD- së Eliona Kodra Shkreli, e cila ka dhënë versionin e opozitës lidhur me mbledhjen e Këshillit Bashkiak dhe miratimin e buxhetit të vitit 2025.
Komente për mediat pas votimit të buxhetit nga Këshilli Bashkiak, kanë bërë edhe këshilltarët e PD- së Imeldi Sokoli dhe Valjeta Golemi Bajraktari, të cilët kanë kritikuar kryebashkiakun Beci.
Kjo është hera e parë që opozita në Shkodër ndërmerr një veprim të tillë duke përdorur të njëjtën skemë si ne Kuvendin e Shqipërisë, megjithatë ky dokument ka marrë formën e miratimit me 30 vota pro nga këshilltarët e mazhorancës në Këshillin Bashkiak.
