Në stadiumin “Arena Egnatia” është mbyllur sfida Egnatia-Vllaznia, e vlefshme për javën e katërt të edicionit të ri futbollistik 2022/2023 në Kategorinë Superiore. Në përfundim të saj, Egnatia ka mundur thellë Vllazninë ne rezultatin 3- 0.
22’ GOOOL EGNATIA! Musta niset nga gjysmëfusha e tij dhe kalon këdo që i del përpara, ndërsa më pas pason topin te Delarxh i cili nuk gabon.
24’ GOOOL EGNATIA! Tjetër aksion i shpejtë i rrogozhinasve që finalizohet me anë të Mustës. Kërkohet ndërhyrja e VAR për një pozicion jashtë loje, pasi goli fillimisht u anulua dhe në fund sinjalizohet se është gol i vlefshëm.
57’ GOOOL EGNATIA! Harkim perfekt i Fernando nga e djathta, Camaj me kokë tund rrjetën e Zogoviç.
Rrogozhinasit e Edlir Tetovës ia ka dalë kështu të ruajnë ecurinë e rezultateve pozitive pas fitores që morën javën e kaluar kundër Laçit, teksa e njëjta gjë nuk vlen për shkodranët e Mirel Josës që vinin në këtë takim me dy fitore radhazi, respektivisht ndaj Kukësit dhe së fundmi kundër Tiranës.
Pyetja që ngrihet pas kësaj humbje që djeg shumë është: A rrezikohet pankina e Mirel Josës pas 2 fitore dhe dy humbjeve në katër javët e para?
