Vllaznia është në finalen e Kupës së Shqipërisë. Pasi mundi Laçin në gjysmëfinale, kuqeblutë gjejnë përballë Skenderbeun, i cili mundi në Durrës Teutën e Edi Martinit. Vllaznia në finale, është vetëm një akt larg fitores së trofeut por edhe realizimiz zë objektivit që janë Kupat e Europës.
Në mbyllje të ndeshjes në “Loro Boriçi”, edhe pse pati tentativa nga laçjanët për të prishur festën, djemtë kuqeblu dhe stafi nuk e kanë përmbajtur gëzimin. Festa ka nisur që në fushën e blertë për tu transferuar në dhomat e zhveshjes ku i është bashkuar edhe sponsori Alban Xhaferi. Për këtë ndeshje, premio e vendosur nga klubi ishte 10 mijë euro dhe djemtë kuqeblu e kanë merituar si asnjëherë tjetër.
