Vllaznia mund Partizanin në “Loro Boriçi” dhe rimerr vendin e dytë në renditjen e Superligës. Kuqeblutë kanë zhvilluar përgjithësisht një ndeshje të mirë, sidomos pas minuitës së 20- të të pjesës së parë. Megjithatë, 45- minutat u mbyllën me rrjeta të paprekura.
Në të dytë, Brdaric fut të lojë Ildi Grudën. I kanë mjaftuar 6 minuta sulmuesit që të gjejë golin e avantazhit për Vllazninë, ku pas një mosmarrëveshje të mbrojtjes dhe portierit të Partizanit, Gruda e ka të lehtë të shtyjë topin në rrjetë.
Vllaznia luan mirë, bën presing dhe vjen edhe goli i dytë me autor Balaj. Pas verifikimit të VAR dhe dyshimeve të shumta, goli anulohet dhe rezultati mbetet i pandryshuar. Megjithatë, janë edhe minutat shtesë.
Nga krahu i djathtë i sulmit shkodran, Gurishta kryeson në zonë dhe Bajrami kërcen më lart se të gjithë. Topi ndalet sërish në rrjetë. Vllaznia mund Partizani dhe me fitoren e Egnatias ndaj Dinamos, kuqeblutë janë në vendin e dytë, tre pikë larg Egnatias kryesuese.
