Vllaznia ka arritur ti marrë 3 pikë Partizanit në “shtëpi” në ndeshjen e parë për Superligës Shqiptare për vitin 2023. Djemtë e drejtuar nga Mirel Josa kanë arritur të barazojnë rezultatin 13 minuta nga fundi dhe 15 minuta pas dizavantazhit si dhe të marrin fitoren në minutat shtesë të ndeshjes.
Pjesa e parë e ndeshjes është mbyllur me rrjeta të paprekura, teksa asnjë nga ekipet nuk ka mundur të gjejë rrjetën kundërshtare. Në pjesën e dytë vjen goli i parë i ndeshjes për vendasit. Maget në minutën 62 shënon me kokë për Partizanin pas një harkimi nga krahu i majtë i sulmit të kuq.
Vllaznia nuk demoralizohet por viziton portën e vendasve. Për të ardhur goli, duhej pritur minuta e 77- të e takimit. Kuqeblutë organizojnë një aksin të rrjedhshëm, i cili finalizohet me një predhë nga Jonuzi.
Kur mendohej se ndeshja do të mbyllej në “paqe”, vjen edhe goli i dytë dhe i fitores për Vllazninë. Coba merr një pasim nga shokët e tij dhe me të majtën e vet, e dërgon topin në rrjetë, duke i dhënë tre pikë shumë të vlefshme Vllaznisë ndaj Partizanit kryesues.
Me këtë fitore, Vllaznia ngjitet në vendin e tretë me 25 pikë, pas Partizanit dhe Tiranës që kanë 29 dhe 28 pikë respektivisht.
