Vllaznia merr një fitore shumë të rëndësishme në Tiranë ndaj Partizanit vendas. Kuqeblutë kanë gjetur fitoren në pjesën e dytë me dy gola nga talenti Kevin Dodaj i futur si zëvendësues nga trajneri Edi Martini.
Pjesa e parë u mbyll me rrjeta të paprekura, në një lojë mjaft të kujdesshme të ekipeve. Në pjesën e dytë Martini nis valsin e ndryshimeve, mes të cilave edhe Dodaj. Pikërisht ky, pas një asist të Gjinit që fut në zonë një top pas rivënies anësore të Gurishtës, e ka të lehtë të dërgojë topin në rrjetë. Është minuta e 82- të.
Arbitri akordon 6 minuta shtesë dhe Partizani në kërkim të barazimit, shfaqet i çoroditur. Kallaku vihet në zotërim të topit dhe pason në zonë për Dodaj, i cili ndjek aksionin. Në minutën e 92- të, ai shënon edhe të dytin duke garantuar fitoren e kuqebluve.
Me këtë rezultat, Vllaznia mbetet në krye duke shpresuar tek ndonjë ndalesë e Elbasanit që luan me Dinamon ndërsa Egnatia mbetet pas edhe pas fitores me Bylis.
