Vllaznia e ka mbyllur në vendin e dytë Supërligën, duke qenë e privilegjuar në “Final 4”, pasi kualifikohet në finalen e sezonit edhe vetëm përmes barazimit.
Kanë qenë miqtë e Laçit që kaluan në avantazh në pjesën e parë me Bibo, i cili goditi nga jashtë zone dhe gjeti golin për kurbinasit në minutën e 16- të.
Nuk ka zgjatur shumë dhe Vllaznia ka barazuar. Ka qenë Bekim Balaj, “Këpuca e Artë” edhe këtë sezon të Superiores, i cili gjeti golin e 17- të dhe të barazimit me Laçin me një goditje të fortë brenda zonës.
Pjesa e dytë, ka folur vetëm për Vllazninë teksa rastet kanë qenë të shumta. Kuqeblutë u përpoqën shumë, sidomos kur u mësua se Egnatia po humbiste me Teutën dhe një fitore i jepte vendin e parë.
Ndërkohë, Skenderbeu- i mundur në Korçë nga Bylis, bie nga kategoria. Të njëjtin fat edhe Laçi pas barazimit me Vllazninë në Shkodër. Ndërkohë, Tirana ka marrë një “bamirësi” nga Dinamo, të cilën e mundi në ndeshjen e fundit. Prë të qendruar në Superligë, Tirana duhet të luajë një ndeshje “playout”.
