Bashkia e Shkodrës vazhdon investimet në infrastrukturën rrugore në territor. Prej pak ditësh, ka nisur sistemim- asfaltimi i rrugës së varrezave në fshatin Grude e Re të Njësisë Administrative Rrethina.
Investimi me vlerë 10 milion lekë nga të ardhurat e vetë Bashkisë së Shkodrës, ka një impakt direkt në jetën e mbi 4 mijë banorëve në Rrethina dhe jo vetëm.
Me përfundimin e kësaj rruge mbi 800 metër linear të gjatë, do të ofrohen të gjitha shërbimet publike të munguara në këtë zonë. Investimet në Rrethina, në njësi të tjera dhe në qytet do të vazhdojnë pavarësisht kushteve të pazakonta të pandemisë që po kalon vendi.
Firma sipërmarrëse e punimeve, “Delia Impex” shpk me president Mario Delia, premton se punimet jo vetëmn do të jenë cilësore, por edhe do të përfundojnë shumë para afatit, duke ia mundësuar vëninen në shfrytëzim të rrugës banorëve sa më shpejt të jetë e mundur.
