Spitali i Sëmundjeve të Mushkërive apo sic njihet Sanatoriumi Shkodër, do të zhvendoset nga mjediset nuk ndodhet aktualisht (Ish- Spitali Ushtarak) në Kompleksin e Spitaleve. Me orientim apo me urdhër, transferimi nuk po bëhet siç duhet të jetë, i organizuar dhe me mjete adeguate, por po realizohet “partizançe”.
Siç e shikoni nga pamjet e siguruara nga ShkodraWeb, për të larguat të sëmurët por edhe dyshekët përdoren të njëjtat ambulanca. Ndërkohë, për transportin e materialeve përdoren dumdum-ët në një ditë me shi si kjo e sotmja. Pacientët e këtij spitali kanë një veëanti sepse vuajnë nga sëmundje që lidhen me mushkëritë dhe transporti i tyre duhet të behet në kushte specifike.
Ajë që është edhe me shqetësuese, është mbajtja larg e mediave në këtë proces. Transferimi është tentuar të behet në mënyrë të fshehtë për arsye te pakuptueshme. Megjithatë, ShkodraWeb ja ka dalë të futet në mjediset e spitalit, pavarësisht se gazetari ynë është kërcënuar dhe është nxjerrë jashtë.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
