Një tërmet i fuqishëm me magnitudë 6.8, ka shkundur fort rajonin lindor të Turqisë ditën e sotme, duke shkaktuar frikë e panik tek banorët, ndërsa vetëm pak minuta më pas vendi është goditur nga një tjetër tërmet me magnitutë 4.6.
Epiqendra ishte në Elazig, ndërsa sipas mediave turke deri më tani janë konfirmuar gjashtë jetë të humbura si dhe 225 persona të lënduar, sipas njoftimeve nga Ministria e Brendshme. Bilanci pritet të jetë edhe më i rëndë, sipas burimeve zyrtare.